മൂവാറ്റുപുഴ
ബ്ലോക്ക് പഞ്ചായത്ത്

എറണാകുളം ജില്ലയിൽ മൂവാറ്റുപുഴ താലൂക്കിലാണ് മൂവാറ്റുപുഴ ബ്ലോക്ക് പഞ്ചായത്ത് സ്ഥിതിചെയ്യുന്നത്.  ആവോലി, ആരക്കുഴ, വാളകം, പായിപ്ര, കല്ലൂർക്കാട്, ആയവന, മഞ്ഞള്ളൂർ, മാറാടി എന്നീ എട്ട് ഗ്രാമപഞ്ചായത്തുകൾ ഉൾക്കൊള്ളുന്നതാണ് മൂവാറ്റുപുഴ ബ്ലോക്ക്പഞ്ചായത്ത് മൂവാറ്റുപുഴ, ആരക്കുഴ, വാളകം, മുളവൂർ, കല്ലൂർക്കാട്, ഏനാനെല്ലൂർ, മഞ്ഞള്ളൂർ, മാറാടി എന്നീ വില്ലേജുകളിലായി വ്യാപിച്ചുകിടക്കുന്ന മൂവാറ്റുപുഴ ബ്ലോക്ക് പഞ്ചായത്തിന് 215.73 ച.കി.മി വിസ്തീർണ്ണവും, 14 ഡിവിഷനുകളിലുമായി വടക്ക് ഭാഗം കൂവപ്പടി, വടവുകോട് ബ്ലോക്കുകളും, കിഴക്ക് ഭാഗം ഇടുക്കി ജില്ലയും കോതമംഗലം ബ്ലോക്കും, കോതമംഗലം മുനിസിപ്പാലിറ്റുയും, തെക്ക് ഭാഗം പാമ്പാക്കുട ബ്ലോക്കും ബ്ലോക്കുകളുമാണ് മുവാറ്റുപുഴ ബ്ലോക്ക് പഞ്ചായത്തിൻറെ അതിരുകൾ .സമുദ്ര നിരപ്പിൽനിന്നും ശരാശരി 40 മീറ്റർ ഉയരത്തിലാണ് ഈ പ്രദേശം സ്ഥിതി ചെയ്യുന്നത്.  മൂന്ന് ഭാഗവും ഉയർന്നും മറ്റ് ഭാഗം താഴ്ന്നും സമതല പ്രദേശങ്ങളോടുകൂടിയതുമായ സമ്മിശ്ര ഭൂപ്രകൃതിയാണ് ഈ ബ്ലോക്ക് പഞ്ചായത്തിനുള്ളത്.കൊച്ചി – മധുര നാഷണൽ ഹൈവേ -49, സ്റ്റേറ്റ് ഹൈവേകളായ എം.സി. റോഡ്, പുനലൂർ - മൂവാറ്റുപുഴ റോഡ് എന്നീ സുപ്രധാന ഗതാഗതപാതകൾ ഈ ബ്ലോക്കിലൂടെ കടന്നുപോകുന്നുണ്ട്. ആകെ ജനസംഖ്യ -162329 പുരുഷൻമാർ- 80802 സ്ത്രീകൾ- -81527 പട്ടികജാതി-9408 പട്ടിക വർഗ്ഗം -618 ആകെ കുടുംബങ്ങൾ -38979  ജനസാന്ദ്രത -752/ച.കി.മി പുരുഷ അനുപാതം  1000-983